لاهور جي انارڪلي بازار ۾ گذريل ڏينهن ٿيل ڌماڪي لاءِ آيل دهشتگردن بابت تفصيل سامهون اچي ويا آهن.
ذريعن موجب ڌماڪي لاءِ 2 سهولتڪار ۽ هڪ دهشتگرد انارڪلي بازار پهتا، 2 سهولتڪار سرڪلر روڊ کان آيا جڏهن ته هڪ دهشتگرد پان گھٽيءَ کان آيو.
ذريعن موجب دهشتگرد بيگ بينڪ جي سامهون رکيو ۽ سرڪلر روڊ طرف فرار ٿي ويو جڏهن ته دهشتگرد کي آڻيندڙ سهولتڪار به فرار ٿي ويا.
واضح رهي ته گذريل ڏينهن لاهور جي انارڪلي بازار ۾ ٿيل ڌماڪي ۾ هڪ ٻار سميت 3 ڄڻا مارجي ويا ۽ ڪيترائي زخمي ٿي پيا هئا.
