مدئجي ۾ جوڻيجا ۽ ڪلهوڙا برادري جي ٻن ڌرين ۾ پراڻي تڪرار تان فائرنگ ۾ 9 ڄڻا مارجي ويا.
مدئجي جي ڪچي واري علائقي ۾ جوڻيجا ۽ ڪلهوڙا برادري جي ٻن ڌرين ۾ پراڻو تڪرار هلندڙ هو، جيڪو وري ڀڙڪي پيو ۽ ڌرين هڪٻئي تي هٿيارن جا منهن کولي ڇڏيا.
ڌرين طرفان مورچا بند ٿي هڪٻئي تي جديد هٿيار سان فائرنگ ڪئي وئي، جنهن جي نتيجي ۾ ٻنهي ڌرين جا 9 ڄڻا مارجي ويا، جهيڙي سبب علائقو جنگ جو ميدان بڻجي ويو ۽ ماڻهن ۾ خوف جي لهر ڇانيل آهي.
مارجي ويلن ۾ مدن جوڻيجو، مرزا جوڻيجو، معشوق جوڻيجو، عاشق مڱڻيجو، علي رضا جوڻيجو، بادل ڪلهوڙو ۽ ٻيا شامل آهن.
ڳوٺاڻن جو چوڻ آهي ته ڌرين ۾ جهيڙو فصل جي ڀيل تان ٿيو، مارجي ويلن ۾ مدن، مرزا ۽ معشوق جوڻيجو ڀائر آهن.
هوڏانهن علائقي ۾ ڇڪتاڻ گهٽائڻ لاءِ پوليس جي وڏي نفري مقرر ڪئي وئي آهي، پوليس اختيارين جو چوڻ آهي ته فائرنگ جو سلسلو ختم ٿي چڪو آهي پر ڇڪتاڻ اڃا برقرار آهي.
