ڪريملن اختيارين چيو آهي ته روس يوڪرين سان ڳالهيون جاري رکڻ لاءِ تيار آهي.
روسي ۽ يوڪريني اختيارين وچ ۾ امن ڳالهين جو ٻيو دور اربع جي شام ٿيڻ طئي آهي، ٻه ڏينهن اڳ اهڙيون ئي امن ڳالهيون بيلاروس ۽ يوڪرين جي سرحد تي ٿيون هيون، جيڪا بنا نتيجي پڄاڻي تي پهتيون.
يوڪرين تي روسي حملي جا 7 ڏينهن مڪمل ٿيڻ وارا آهن ۽ گذريل ڏينهن ئي روس جي بچاءَ واري وزير چيو هو ته يوڪرين کي ”غير عسڪري“ بڻائڻ تائين فوجي ڪارروائي جاري رهندي.
هيل تائين ان فوجي ڪارروائي ۾ سوين عام شهري مارجي چڪا آهن، جن ۾ ٻار ۽ عورتون به شامل آهن.
