روس جا يوڪرين جي شهرن خارڪيف، چرنيهيف ۽ ماريوپول تي حملا جاري آهن. جڏهن ته گادي واري شهر ڪيف ۾ به جنگ جاري آهي. يوڪرين جي صدارتي ترجمان موجب روس جي حملن ۾ وينيسا ايئرپورٽ مڪمل تباهه ٿي ويو آهي.
روسي صدر ترڪ ۽ فرانسيسي صدر سان ٽيليفون تي ڳالهيون ڪيون جنهن ۾ يوڪرين ۾ جنگبندي تي زور ڏنو ويو. روسي صدر جواب ڏنو ته يوڪرين طرفان جنگبندي ڪرڻ سان ئي يوڪرين ۾ فوجي آپريشن ختم ڪنداسين ڪيئن به ڪري روس پنهنجا مقصد حاصل ڪري رهندو.
جنگ وارن علائقن مان شهرين جو لڏ پلاڻ وارو سلسلو جاري آهي ۽ يوڪرين مٿان 24 فيبروري کان روس جي حملن کان پوءِ هينئر تائين 10 لک کان وڌيڪ پناهگير پولينڊ ۾ داخل ٿي چڪا آهن. روسي فوج جي حملي جي صورت ۾ مزاحمت لاءِ يوڪرين جي گادي واري شهر ڪيف جي اهم روڊن تي چوڪيون ٺاهيون ويون آهن.
