پنجاب جي دهشتگردي جي خاتمي واري کاتي لاهور ۽ پنجاب جي ٻن ٻين شهرن ۾ ڪارروايون ڪندي پابندي مڙهيل تنظيم القائده ۽ تحريڪ طالبان پاڪستان (ٽي ٽي پي) سان تعلق رکندڙ 12 دهشتگردن کي گرفتار ڪري ورتو آهي.
سي ٽي ڊي ترجمان موجب ڪارروائي 61 شڪي ماڻهن کان پڇا ڳاڇا بعد ڪئي وئي، دهشتگردن جي قبضي مان وڏي مقدار ۾ بارودي مواد، هٿيار ۽ بارودي مواد هٿ ڪيو ويو.
گرفتار دهشتگردن کي وڌيڪ پڇا ڳاڇا لاءِ اڻڄاتل هنڌ منتقل ڪيو ويو آهي، دهشتگردن جو نيٽ ورڪ پنجاب جي حساس ضلعن ۾ حملن جي منصوبابندي ڪري رهيو هو.
سي ٽي ڊي کي اميد آهي ته هي آپريشن ملڪ ۾ سرگرم دهشتگرد نيٽ ورڪن کي ختم ڪرڻ يا امڪاني دهشتگرد سرگرمين کي روڪڻ ۾ مدد ڏيندو.
