سنڌ هاءِ ڪورٽ پاران منشيات خلاف ڪريڪ ڊائون نه ٿيڻ تي ڪاوڙ بعد آءِ جي سرگرم ٿي ويو، منشيات فروشن ۽ ڏوهارين خلاف ڪارروايون تيز ڪرڻ جي هدايت ڪري ڇڏي.
ڊي آءِ جي حيدرآباد جي آفيس ۾ آءِ جي سنڌ غلام نبي ميمڻ منشيات فروشن خلاف ڪاررواين بابت اجلاس جي صدارت ڪئي.
آءِ جي سنڌ کي منشيات، گٽڪا، مائي جي خريد ۽ وڪري ۾ ملوث جوابدارن جي گرفتارين بابت بريفنگ ڏني وئي.
آءِ جي سنڌ پوليس عملدارن کي هدايت ڪئي ته حيدرآباد رينج ۾ امن امان جي صورتحال بهتر ۽ ڏوهاري عنصرن خلاف ڪارروايون تيز ڪيون وڃن.
آءِ جي سنڌ چيو ته مختلف ڏوهن ۾ ملوث جوابدارن کي سخت سزا ڏيارڻ ۾ جاچ کاتي جو ڪردار اهم آهي، ڀرپور تياري ڪئي وڃي.
