اسلام آباد: اليڪشن ڪميشن، ناڻي واري وزارت ۽ اسٽيٽ بئنڪ پنجاب اليڪشن ڪيس ۾ فنڊز جي فراهمي بابت رپورٽون سپريم ڪورٽ ۾ جمع ڪرائي ڇڏيون آهن.
اليڪشن ڪميشن سپريم ڪورٽ کي آگاهي ڏني ته چونڊن لاءِ فنڊ نه ملي سگهيا ۽ اسٽيٽ بئنڪ رقم منتقل نه ڪئي.
اسٽيٽ بئنڪ به پنهنجي رپورٽ سپريم ڪورٽ ۾ جمع ڪرائي ڇڏي، جنهن ۾ رقم جي منتقلي نه ٿيڻ جا سبب شامل آهن.
ناڻي واري وزارت به فنڊن بابت رپورٽ اٽارني جنرل آفيس ذريعي سپريم ڪورٽ ۾ جمع ڪرائي ڇڏي.
رپورٽ ۾ وفاقي ڪابينا جي فيصلي ۽ معاملو پارليامينٽ حوالي ڪرڻ، عدالتي حڪم تي اسٽيٽ بئنڪ کي فراهم ڪيل امداد جا تفصيل به شامل آهن. ناڻي واري وزارت رپورٽ ۾ فنڊن جي منتقلي تي قانوني پاسن کي به اجاگر ڪيو آهي.
