پاڪستان شوبز انڊسٽري سان لاڳاپيل دنيا جي مشهور اداڪار، ماڊل ۽ ڳائڻي علي ظفر سياست ۾ انٽري بابت گردش ڪندڙ خبرن تي خاموشي ٽوڙي ڇڏي.
ورسٽائل ڳائڻي علي ظفر مائيڪرو بلاگنگ سائيٽ ٽوئيٽر تي ٽوئيٽ ڪيو ۽ اهڙين گردش ڪندڙ خبرن جي سختي سان ترديد ڪئي جنهن ۾ دعويٰ ڪئي وئي ته علي ظفر سياست ۾ اچڻ وارو آهي.
ٽوئيٽ ڪندي هن لکيو ته ”مون کي فيس بڪ تي ڪجهه خبرون جون لنڪس شيئر ڪيون ويون آهن جنهن موجب مان سياست يا سياسي پارٽي ۾ شامل ٿيڻ وارو آهيان“.
هن وڌيڪ لکيو ته مان هڪ ڀيرو ٻيهر ورجايان ٿو ته مان نه سياست ۾ اچي رهيو آهيان ۽ نه ئي منهنجو اهڙو ڪو ارادو آهي، ان ڪري مهرباني ڪري اهڙين ڪوڙي خبرن تي يقين نه ڪيو.
