شاهه(رپورٹ:دانش حیدر) شيعه علماءِ ڪائونسل نوابشاهه پاران 25هو ساليانو جشنِ عيد ميلاد النبي صه ۽ جشنِ ولادت حضرت امام جعفر صادق عليه السلام جو عظيم آليشان جلسو مرڪزي مُرتضوي امام بارگاهه موهڻي نوابشاهه ۾ منعقد ڪيو ويو جلسي ۾ شيعه سُني ڀائرن وڏي تعداد ۾ شرڪت ڪئي، جشنِ عيد ميلاد النبي جي جلسي کي مشهور نعت خوانن سلامت سلامت علي ساجدي، شاڪر چانڊيو ۽ ٻين نعتون ۽ قصيده ٻڌائي مومنين کي جهومائي ڇڏيو انهي موقعي تي جلسي کي خطاب ڪندي نامور عالم علامه صبطِ حسن نوري، شيعه علماءِ ڪائونسل جي ڊويزنل صدر زوار محمد حسين چانڊيو ۽ مولانا محمد عالم مري خطاب ڪندي چيو ته حضرت رسول خدا صه جي ظاهري دنيا ۾ اچڻ سان جهالت جو خاتمو آيو ۽ هر طرف علم جو نور ڦهلجي ويو هنن چيو ته هي دنيا محمد صه و آل محمد صه جي صدقي ۾ خلق ڪئي وئي آهي اسان جي جان مال، عزت ۽ آبرو محمد و آل محمد صه تان قربان آهي هنن چيو ته فرانس ۾ حضرت رسول خدا صه جي توهين برادشت نه ڪئي ويندي هنن فرانس جي صدر جي مذمت ڪندي چيو ته اقوام متحده ۽ اسلامي ملڪن جي تنظيم فرانس جي صدر خلاف ڪاروائي ڪن ٻي صورت ۾ ملت اسلاميه فرانس خلاف جهاد ڪندي ان موقعي تي امام بارگاهه کي مڪمل چراغان ڪيو ويو ۽ محمد و آل محمد صه جي شان ۾ نعتون ۽ قصيده پڙهيا ويا ۽ هر طرف لبيڪ يا رسول الله صه جون صدائون بلند ٿي رهيون هيون آخر ۾ نياز تقسيم ڪيو ويو.
