سانگهڙ( رپورٽ عبدالجبار نظاماڻي) گونمنٽ هاءِ اسڪول جهول جي اسٽيڊيم گرائونڊ ۾محمد سليم ڀٽي ميموريل فوٽ بال ٽورنامنٽ ٿي گذري.جنهن ۾ سنڌ جي مختلف شهرن جي ٽيمن حصو ورتو.فائنل ميچ المهراڻ فوٽ بال ڪلب ۽ نيو بلوچ ڪلر شاخ ٽنڊو آدم درميان مقابلو ٿيو جنهن ۾ المهراڻ فوٽ بال ڪلب ٽنڊو آدم فوٽ بال ڪلب جي ٽيم کي شڪست ڏني.ٽورنامنٽ ۾ مهمان خصوصي ڊاڪٽر هاشم خاصخيلي،ڊاڪٽر شبير احمد چينه،رسول بخش خاصخيلي،حاجي ممتاز کرل،خالد پرهياڙ،صغير احمد راجپوت،اويس احمد ۽ نويد گل خاصخيلي ڪامياب ٽيم کي هڪ موٽر سائيڪل ۽ 10000ڪيش انعام ڏنو.ان موقعي تي آيل مهمانن ميڊيا سان ڳالهائيندي چيو ته اندرون سنڌ تمام سٺا رانديگر آھن مگر انهن کي قومي ٽيمن ۾ موقعو فراهم نه ٿو ڪيو وڃي،حڪومت کي گهرجي ته سنڌ جي ٽيمن کي اوليت جي بنياد تي ٽيمن ۾ شامل ڪيو وڃي،انهن وڌيڪ چيو ته راندين جي ميدان آباد ڪرڻ سان صحت بهتر رهي ٿي ۽ ماڻھون غلط رستن کان پڻ بچي ٿو.تنهن ڪري صحتمند معاشري لاء رانديون ضروري آھن.ٽورنامنٽ ڪاميٽي جي آرگنائيزر لياقت ڀٽي،وقاي رنڌاوا.زاهد ممتاز کرل،اسد جعفري ۽ ٻين چيو ته تعليم سان گڏ راندين جون سرگرميون به ضروري آھن ته جيئن اسان جا رانديگر راندين جي ميدان ۾ اسان جي ملڪ جو نالو روشن ڪري سگهن.
