مسلم ليگ(ن) جي نائب صدر مريم نواز چيو آهي ته ملڪ ۾ مهانگائي جو طوفان حڪومتي ڪارڪردگي جو گواهه آهي.
مسلم ليگ(ن) جي نائب صدر مريم نواز صحافين سان ڳالهيون ڪندي چيو ته ليز جي ادائيگي نه ٿيڻ سبب ملائيشيا ۾ جهاز کي روڪيو ويو ۽ هي چون ٿا ته گرين پاسپورٽ جي عزت ڪرائينداسين پر اڄ گرين پاسپورٽ کي ڪوبه مڃڻ لاءِ تيار نه آهي.
هن چيو ته حڪومت فيل ٿي چڪي آهي ۽ وڌيڪ نٿي هلي سگهي. عوام ۾ آگاهي اپوزيشن نه پر حڪومت جي ڪارڪردگي سان اجاگر ٿي رهي آهي ۽ مهانگائي جو طوفان حڪومتي ڪارڪردگي جو گواهه آهي. مريم نواز چيو ته جيڪا ناڪامي 73 سالن ۾ ناهي ٿي اها اڍائي سالن ۾ ٿي وئي ۽ حڪومت نااهلي ۾ ايتري اڳيان آهي جو ڪجهه به گروي رکي سگهي ٿي. ٻين تي تنقيد ڪندڙن قرضن جا انبار لڳائي ڇڏيا آهن.
