ڪراچي ۾ آگسٽ جي پهرئين هفتي دوران ڪورونا ڪيسن جي هاڪاري شرح 21.41 تي برقرار آهي.
صحت کاتي موجب پهرين کان ستين آگسٽ تائين ڪراچي ۾ 11 هزار 946 ماڻهن ڪورونا جو شڪار ٿيا ۽ شهر ۾ آگسٽ جي پهرئين هفتي 150 ڄڻا لاڏاڻو ڪري ويا.
اختيارين ٻڌايو آهي ته آگسٽ جي پهرئين هفتي سڀ کان وڌيڪ 41 فوتگيون اوڀر ضلعي ۾ ٿيون، جڏهن ته ڪورنگي ضلعي ۾ 37، سينٽرل ۾ 23، ڏکڻ ۾ 25 ۽ اولهه ضلعي ۾ 24 ڄڻا لاڏاڻو ڪري ويا.
هوڏانهن گذريل 24 ڪلاڪن دوران به ڪراچي ۾ ڪورونا ڪيسن جي شرح 21 سيڪڙو ۽ حيدرآباد ۾ 12 سيڪڙو، جڏهن ته سڄي سنڌ ۾ مجموعي طور 11 سيڪڙو رهي.
