روس ۽ يوڪرين وچ ۾ جنگ کانپوءِ عالمي مارڪيٽ ۾ تيل اگهه وڌڻ جا اثر پاڪستان تي به پوڻ جو خدشو آهي.
انڊسٽري ذريعن موجب عالمي مارڪيٽ ۾ تيل جي قيمت 100 ڊالرن کان مٿي وڃي چڪي آهي ۽ اگهه پهرين مارچ تائين 100 ڊالر تي برقرار رهندا ته پاڪستان ۾ پيٽروليم شين جي اگهن ۾ 7 رپيا في ليٽر تائين واڌ ٿي سگهي ٿي.
انڊسٽري ذريعن جو چوڻ آهي ته ان صورتحال ۾ ملڪ ۾ پهرين مارچ کان پيٽرول 7 ۽ ڊيزل 6 رپين تائين مهانگو ٿي سگهي ٿو.
واضح رهي ته اوگرا چيئرمين به ملڪ ۾ پيٽروليم شين جي اگهن ۾ واڌ جو اشارو ڏئي چڪو آهي.
