اسلام آباد: وزير اعظم شهباز شريف زمين کي ماحولياتي تبديلين جي نقصانڪار اثرن کان بچائڻ لاءِ گڏيل ڪوششن جي ضرورت تي زور ڏنو آهي.
سماجي رابطن واري ويب سائيٽ ٽوئيٽر تي پنهنجي پيغام ۾ هن چيو ته دنيا جي ٻين ملڪن وانگر پاڪستان ۾ به سالياني ارٿ آور ملهائيندو آهي، جنهن جو موضوع ڌرتي کي هڪ ڪلاڪ ڏيو آهي.
پرڏيهي آفيس جي ترجمان چيو ته پاڪستان عالمي برادري سان گڏ ارٿ آور ملهايو آهي ۽ ان عزم جو اظهار ڪري رهيو آهي ته موسمياتي تبديلين جي حوالي سان پنهنجون ذميواريون پوريون ڪيون وينديون.
هن چيو ته اسان جي ڌرتي کي موسمياتي تبديلين جي نقصانڪار اثرن کان بچائڻ هڪ اجتماعي ڪوشش آهي، جنهن ۾ سڀني جو ڪردار آهي.
ان موقعي تي پنهنجي پيغام ۾ سينيٽ چيئرمين محمد صادق سنجراڻي عوام تي زور ڀريو ته هو پنهنجي گهرن، آفيسن ۽ دڪانن ۾ رات 8:30 وڳي کان رات 9:30 وڳي تائين سموريون غير ضروري لائيٽون ۽ بجليءَ جو ٻيو سامان بند ڪن.
هن چيو ته موسمياتي تبديلي سڄي دنيا ۾ هر ڪنهن جي زندگي ۽ معيشت کي متاثر ڪري رهي آهي.
