پاڪستان ڪرڪيٽ ٽيم جو ڪپتان بابر اعظم ۽ فاسٽ بالر حارث رئوف نيوزيلينڊ خلاف هوم سيريز کان اڳ وقفو ورتو آهي.
ٻنهي ڪرڪيٽرن جي موڪلن ۾ رمضان جي مقدس مهيني دوران سعودي عرب جو روحاني دورو پڻ شامل آهي، جيئن انهن مڪي ۽ مديني جون تصويرون شيئر ڪيون.
سماجي رابطن واري ويب سائيٽ ٽوئيٽر تي بابر اعظم روضه رسول صلي الله عليه وآله وسلم جي تصوير شيئر ڪئي، هن ڪيپشن ۾ آخري نبي صلي الله عليه وسلم جي شان ۾ هڪ شاعرانه لائن به لکي آهي.
ان دوران حارث رئوف ڪعبي جا پنهنجا لمحا شيئر ڪيا آهن، کيس عمره ادا ڪرڻ لاءِ خاص لباس ۾ احرام پهريل ڏسي سگهجي ٿو، ان جي ڪيپشن ۾ هن ”الحمدلله“ لکيو.
