بنگلاديش جي راڄڌاني ڍاڪا کان ڪوالالمپور انٽرنيشنل ايئرپورٽ تي ايندڙ جهاز ۾ هنگامي صورتحال پيدا ٿي وئي، جنهن تي جهاز کي ملائيشيا ڀرسان پينانگ انٽرنيشنل ايئرپورٽ تي لينڊ ڪيو ويو.
هوابازي ذريعن موجب ملائيشيا جي باٽڪ ايئر لائنز جو جهاز ڍاڪا کان 3 ڪلاڪن جو سفر ڪرڻ بعد ملائيشيا پهتو هو ۽ ٿائيلينڊ جي نار مٿان اڏام دوران بوئنگ 737 ميڪس 8 جهاز مان ريڊار کي ايمرجنسي سگنل مليا.
ايئر ٽريفڪ ڪنٽرولر سان رابطو ڪرڻ کانپوءِ جهاز کي ملائيشيا جي ويجهي ٻيٽ پينانگ انٽرنيشنل ايئرپورٽ ڏانهن موڙيو ويو.
