پاڪستان تحريڪ انصاف جي صدر ۽ پنجاب جي اڳوڻي وڏي وزير چوڌري پرويز الاهي کي ٻيهر گرفتار ڪيو ويو آهي.
پرويز الاهي کي اينٽي ڪرپشن هيڊ ڪوارٽر گوجرانوالا ۾ داخل ڪيس ۾ گرفتار ڪيو ويو آهي.
ان کان اڳ لاهور جي عدالت چوڌري پرويز الاهي کي ڪيس مان بري ڪري ڇڏيو هو.
عدالت چيو ته پرويز الاهي ڪنهن ٻئي ڪيس ۾ گهربل ناهي ته کيس آزاد ڪيو وڃي.
جوڊيشل مئجسٽريٽ غلام مرتضيٰ ورڪ پرويز الاهي جي جسماني رمانڊ تي محفوظ ڪيل فيصلو ٻڌايو.
واضح رهي ته گذريل ڏينهن پنجاب جي اڳوڻي وڏي وزير کي اينٽي ڪرپشن لاهور مان گرفتار ڪيو هو، جنهن کي اڄ عدالت ۾ پيش ڪيو ويو.
ان موقعي تي پرويز الاهي چيو ته مان ڪا به پريس ڪانفرنس نه ڪندس، پي ٽي آءِ ۾ آهيان ۽ رهندس.
