بالي ووڊ جي مشهور ۽ خوبصورت اداڪارا ڪاجول سماجي رابطن واري ويب سائيٽ تي هڪ نئين پوسٽ سان واپس اچي وئي آهي.
واضح رهي ته گذريل ڏينهن ڀارتي اداڪارا ڪاجول سوشل ميڊيا جي سمورن پليٽ فارمن تان وقفو وٺڻ جو اعلان ڪيو هو.
هاڻي هوءَ پنهنجي نئين ويب سيريز جي ٽريلر ‘دي ٽرائل، پيار، خون، ڌوڪا’ سان سڀني سوشل ميڊيا پليٽ فارمن تي واپس آئي آهي.
اداڪارا جي سوشل ميڊيا پليٽ فارم انسٽاگرام تان اڳ ۾ ڊيليٽ ڪيل سڀئي پوسٽون به هڪ ڀيرو ٻيهر واپس اچي ويون آهن.
انسٽاپوسٽ جي ڪيپشن ۾ پنهنجي ويب سيريز جو ٽريلر شيئر ڪندي لکيو ته آزمائش جيتري سخت هوندي، واپسيءَ لاءِ ايتري ئي محنت ڪرڻي پوندي.
