ڪراچي جي علائقي سهراب ڳوٺ ۾ شهيد ٿيندڙ 2 پوليس اهلڪارن جي جنازي نماز هيڊڪوارٽر گارڊن ۾ ادا ڪئي وئي.
پوليس اهلڪارن هيڊ ڪانسٽيبل رحمان ۽ عبدالحڪيم جي جنازي نماز ۾ آءِ جي سنڌ، ايڊيشنل آءِ جي ڪراچي ۽ رينجرز جي آفيسرن شرڪت ڪئي.
جنازي نماز ۾ شهيدن جي وارثن، مائٽن ۽ دوستن به شرڪت ڪئي، پوليس جي اسپيشل فورس شهيدن کي سلامي ڏني ۽ گلن جي چادر چاڙهي.
آءِ جي سنڌ شهيدن جي وارثن سان يڪجهتي جو اظهار ڪندي پوليس اهلڪارن جي جرئت ۽ بهادري کي ساراهيو.
هن چيو ته جوابدارن کي گرفتار ڪري انصاف ڪيو ويندو.
واضح رهي ته گذريل ڏينهن سهراب گوڙ ۾ ڌاڙيلن سان مقابلي ۾ 2 پوليس اهلڪار شهيد ٿي ويا هئا.
