پاڪستان ڪرڪيٽ ٽيم آءِ سي سي ٽيسٽ چيمپيئن شپ جي 2 ٽيسٽ ميچن جي سيريز کيڏڻ لاءِ ايندڙ ڪجهه هفتن ۾ ڪپتان بابر اعظم جي قيادت ۾ سريلنڪا جو دورو ڪندي.
سريلنڪا جي دوري جي حوالي سان خبرون آهن ته ٽيسٽ فاسٽ بالر شاهين شاهه آفريدي قومي اسڪواڊ جو حصو نه هوندو.
23 سالن جو کاٻي هٿ جو فاسٽ بالر هن وقت انگلينڊ ۾ ناٽنگهم شائر لاءِ ٽي 20 بلاسٽ ۾ ايڪشن ۾ آهي.
واضح رهي ته شاهين آفريدي 25 ٽيسٽ ميچن ۾ 24.86 جي اوسط سان 99 وڪيٽون حاصل ڪري چڪو آهي، گذريل سال سريلنڪا جي دوري دوران فيلڊنگ دوران زخمي ٿي پيو هو.
فاسٽ بالر شاهين آفريدي پنهنجي آخري ٽيسٽ ميچ گذريل سال جولاءِ ۾ سريلنڪا خلاف کيڏي هئي.
