منصوبابندي واري وفاقي وزير احسن اقبال پرڏيهي وزير بلاول ڀٽو پاران وزيراعظم شهباز شريف کي خبردار ڪرڻ تي ردعمل ڏنو.
حڪومتي اتحاد جي ٻن وڏين پارٽين پيپلز پارٽي ۽ مسلم ليگ ن ۾ مالي سال 24-2023 جي بجيٽ تي اختلاف وڌي ويا آهن.
وزيراعظم شهباز شريف جي صدارت هيٺ اهم اجلاس سڀاڻي ٿيندو، جنهن ۾ بلاول ڀٽو سميت ٻنهي پارٽين جا وزير ۽ مالياتي معاملن جا ماهر شرڪت ڪندا.
بلاول ڀٽو ڪالهه سوات ۾ جلسي کي خطاب ڪندي وزيراعظم تي بجيٽ ۾ ڪيل واعدا پورا نه ڪرڻ جو الزام هنيو ۽ خبردار ڪيو ته جيڪڏهن ٻوڏ متاثرن جي بحالي لاءِ رقم نه ملي ته پ پ جي بجيٽ منظور نه ڪئي ويندي.
ان تي وفاقي وزير احسن اقبال چيو ته بجيٽ جي تياري ۾ سمورن اتحادين کي شامل ڪيو ويو، حڪومت جي ڪوشش آهي ته هر فيصلو اتفاق راءِ سان ڪيو وڃي.
