پاڪستاني نوجوان ۽ خوبصورت اداڪارا عليزي شاهه انڪشاف ڪيو آهي ته هن شروعات ۾ پنهنجي پهرين فلم سپر اسٽار ڪرڻ کان انڪار ڪيو هو.
تازو عليزي شاهه هڪ يوٽيوب چينل کي انٽرويو ڏنو جنهن ۾ هن پنهنجي ڪيريئر بابت کليل دل سان ڳالهايو.
هڪ سوال جي جواب ۾ هن چيو ته هن پنهنجي ڪيريئر جي شروعات 6 سالن جي عمر ۾ وسيم اڪرم سان هڪ اشتهار ۾ ڪئي.
فلمن ۾ ڪم ڪرڻ جي حوالي سان سوال جو جواب ڏيندي هن چيو ته هو 4 يا 5 سالن تائين ڪنهن به فلم ۾ ڪم ڪرڻ نه ٿي چاهيو، ڇو ته هوءَ پاڻ کي ان لاءِ تيار نه سمجهندي هئي.
پنهنجي پهرين فلم سپر اسٽار جي حوالي سان هن انڪشاف ڪيو ته ان وقت سندس عمر صرف 16 سال هئي ۽ سندس گهروارن جو دٻاءُ هو ته هوءَ فلمن لاءِ اڃا ننڍي آهي، ان ڪري هن فلم ڪرڻ کان انڪار ڪيو، پر مومنا دريد جي زور ڀرڻ تي فلم سائن ڪئي.
