قطر ۽ گڏيل عرب امارات (يو اي اي) وچ ۾ سفارتي لاڳاپا بحال ٿي ويا آهن، جنهن کي سعودي عرب به ڀليڪار ڪيو آهي.
عرب ميڊيا موجب قطر ۽ گڏيل عرب امارات ۾ سفارتخانن پنهنجو ڪم ٻيهر شروع ڪري ڇڏيو آهي.
ان حوالي سان جاري ڪيل بيان ۾ سعودي عرب جو چوڻ آهي ته هو قطر ۽ امارات ۾ سفارتي نمائندگي جي بحالي جي آجيان ڪري ٿو.
سعودي عرب جي پرڏيهي وزارت چيو آهي ته قطر ۽ امارات وچ ۾ سفارتي لاڳاپن جي بحالي هڪ مثبت قدم آهي.
سعودي عرب اهو به چيو آهي ته قطر ۽ امارات جي وچ ۾ لاڳاپن جي بحاليءَ سان نار تعاون ڪائونسل جي ملڪن جا لاڳاپا مضبوط ٿيندا.
