بچاءَ واري وزير خواجا آصف چيو آهي ته عدليه کي اپيل آهي ته ڪجهه لحاظ ڪريو، ڪجهه ورثي ۾ ڇڏي وڃو ته جيئن اوهان کي ياد ڪيو وڃي.
قومي اسيمبلي جي اجلاس ۾ خيالن جو اظهار ڪندي خواجا آصف چيو ته سياسي مقصدن لاءِ ملڪ جي عزت ۽ وقار کي داغدار نه ڪيو، اوهان ماڻهو وڃي رهيا آهيو ته ڪجهه ورثي ۾ ڇڏي وڃو ته جيئن ماڻهو اوهان کي سٺن لفظن ۾ ياد ڪن.
خواجا آصف چيو ته اوهان انصاف جي سڀ کان وڏي سيٽ تي ويٺا آهيو، متان اوهان ماضيءَ جو قصو بڻجي وڃو ۽ تاريخ اوهان کي حذف ڪري ڇڏي.
ن ليگ اڳواڻ چيو ته هڪ شخص بم ٺاهي رهيو آهي ۽ اڇلائي رهيو آهي، ماڻهن جي سڃاڻپ ٿي چڪي آهي.
هن چيو ته فوجي عدالتن ۾ شهرين جو ڪيس سپريم ڪورٽ ۾ کڻي ويا آهن، گذريل حڪومتي دور ۾ فوجي عدالتن 24 کان 25 ماڻهن کي سزائون ڏنيون هيون.
خواجا آصف چيو ته هينئر ئي خبر پئي آهي ته فوجي عدالتن ۾ ٽرائل بابت درخواست تي سپريم ڪورٽ جي بينچ ورهائجي وئي آهي، نتيجا اڄ يا سڀاڻي سامهون ايندا.
ن ليگ اڳواڻ چيو ته جن هي معاملو اٿاريو انهن جا سياسي مفاد آهن، درخواستگذارن کي پنهنجي پارٽين سان خدشا آهن.
