ڪراچي جي ميئر بئريسٽر مرتضيٰ وهاب چيو آهي ته عيد الاضحيٰ جي موقعي تي يوسيز جا سمورا چيئرمين پنهنجي پنهنجي علائقن ۾ عوامي سهولتن جي فراهمي کي يقيني بڻائين.
ميئر ڪراچي بئريسٽر مرتضيٰ وهاب ۽ ڊپٽي ميئر سلمان عبدالله مراد جي گڏيل صدارت هيٺ اجلاس ٿيو، جنهن ۾ ٽائون چيئرمين ۽ وائيس چيئرمين شرڪت ڪئي.
پيپلزپارٽي جا پارلياماني اڳواڻ نجمي عالم، ڪرم الله ۽ ٻيا پڻ موجود هئا.
ڪراچي جي ميئر بئريسٽر مرتضيٰ وهاب چيو آهي ته سالڊ ويسٽ آفيس ۾ ٿيل اجلاس ۾ عيدالاضحيٰ دوران ڪچرو کڻڻ جي آپريشن جي پلان جو جائزو ورتو ويو.
هن چيو ته ڄام چڪرو، گونڊ پاس ۽ ملير جي لينڊ فل سائيٽن تي 91 ڪليڪشن پوائنٽس ۽ 18 وڏيون خندقون کوٽيون ويون آهن..
مرتضيٰ وهاب جو چوڻ آهي ته عيدالاضحيٰ جي انتظامن جي سلسلي ۾ لينڊ فل سائيٽ تي کوٽائي جو ڪم آخري مرحلي ۾ آهي ته ڪچري کي محفوظ طريقي سان دفن ڪرڻ لاءِ شڪايتي مرڪز هر ضلعي ۾ فعال هوندا، شهري 1128 تي شڪايتون داخل ڪرائي سگهن ٿا.
ڊپٽي ميئر ڪراچي سلمان عبدالله مراد چيو آهي ته گند دفن ڪرڻ لاءِ ڪل 18 خندقون ٺاهيون ويون آهن، آپريشن ۾ ڪل 6802 گاڏيون ۽ 24366 مزدور ڪم ڪندا.
