ايشيا ڪپ جي شروعات کان هڪ ڏينهن اڳ، ڀارتي ٽيم کي هڪ ڌڪ لڳي ويو.
ڀارتي ميڊيا موجب ڀارتي ٽيم جو بيٽسمين ڪي ايل راهول ايشيا ڪپ جي پهرين 2 ميچن مان ٻاهر ٿي ويو آهي.
ڪي ايل راهول ٽيم جي ٻين رانديگرن سان گڏ ڪنڊيشننگ ڪيمپ ۾ حصو وٺي رهيو آهي پر هو 100 سيڪڙو فٽنيس ثابت نه ڪري سگهيو.
ڀارتي ميڊيا موجب ڪي ايل راهول ٽيم سان گڏ سريلنڪا روانو ٿيندو.
واضح رهي ته ايشيا ڪپ جي پهرين ميچ سڀاڻي کيڏي ويندي، جڏهن ته پاڪستان ۽ ڀارت وچ ۾ ميچ 2 سيپٽمبر تي کيڏي ويندي.
