انٽرنيشنل ڪرڪيٽ ڪائونسل (آءِ سي سي) نئين ون ڊي رينڪنگ جاري ڪري ڇڏي آهي، جنهن ۾ بابر اعظم پنهنجي پهرين پوزيشن تي برقرار آهي.
نئين ون ڊي بيٽسمينن جي رينڪنگ ۾ بابر اعظم 882 پوائنٽس سان پهرين نمبر تي آهي.
پاڪستان جو امام الحق چوٿين ۽ فخر زمان ستين پوزيشن تي آهي، ايشيا ڪپ جي شروعات کان اڳ امام الحق ٽئين ۽ فخر زمان پنجين پوزيشن تي هو.
بيٽسمينن جي لسٽ ۾ ڏکڻ آفريڪا جو ريسي ون ڊارسن ٻئي ۽ ڀارت جو شوبمان گل ٽئين نمبر تي آهي.
شاهين آفريدي کي ڀارت ۽ نيپال خلاف شاندار بالنگ کانپوءِ ترقي ڏني وئي، هو ايشيا ڪپ شروع ٿيڻ کان اڳ نائين نمبر تي اچي ويو هو.
فاسٽ بالر شاهين شاهه آفريدي ٽاپ 5 بالرز ۾ شامل ٿي ويو آهي، هو تازي رينڪنگ ۾ پنجين نمبر تي آهي.
پاڪستاني فاسٽ بالر ٻن ميچن ۾ 29 ريٽنگ پوائنٽس حاصل ڪري 4 درجا ترقي حاصل ڪئي.
