ڪراچي (شوبز نيوز) پاڪستان جي مشهور اداڪارا، ماڊل ۽ خوبصورتي جي ماهر ناديه حسين چيو آهي ته اسان جي 70 سيڪڙو ماڻهن ۾ منفي سوچ هوندي آهي، ماڻهن جي دماغ ۾ هڪ اهڙو ڪيڙو هوندو آهي جيڪو کين ڪجهه به مثبت سوچڻ نه ڏيندو آهي.
اداڪارا ناديه حسين تازو ئي هڪ پوڊ ڪاسٽ ۾ شرڪت ڪئي، جنهن دوران هن ڪيترن ئي سوالن جا جواب ڏنا.
پوڊ ڪاسٽ دوران ناديه حسين سوشل ميڊيا تي پنهنجي باري ۾ ناڪاري تبصرن تي ڪاوڙ جو اظهار ڪندي چيو ته پاڪستانين ۾ ناڪاري سوچ هوندي آهي جيڪا حسد ۽ نفرت جو سبب بڻجندي آهي، اهڙا ماڻهو سوچيندا آهن جيڪي انهن وٽ نه هوندا آهن اهو ٻين سان نه هجڻ گهرجي.
ناديه حسين چيو ته اسان جي قوم ۾ ناڪاري سوچ هڪ فطرت بڻجي وئي آهي، هڪ ڀيرو مون کي سوشل ميڊيا تي پيغام آيو ته ”آءٌ توهان کان نفرت ڪريان ٿو“، رڳو اهي ٽي لفظ لکيا ويا، ماڻهو منفي ڳالهيون لکڻ ۾ وقت ضايع ڪندا رهندا آهن.
اداڪارا جو وڌيڪ چوڻ هو ته مان برداشت نه ٿي ڪري سگهان جيڪي ماڻهو منهنجي اڪائونٽ تي اچن ۽ مون تي تنقيد ڪن، مون کي به حق آهي ته انهن کي ساڳئي آواز ۾ جواب ڏيان.
ناديه حسين چيو ته ماڻهن کي ٽيڪنالاجي ملي آهي پر ان کي استعمال ڪرڻ جي عقل ۽ فهم ناهي، ڳالهائڻ گهرجي، هي دنيا معاف نه ٿي ڪري، توهان کي منهن ڦيرائي جواب ڏيڻ گهرجي.
ان دوران اداڪارا ناديه حسين پنهنجي بجلي جي بل جي شڪايت ڪندي چيو ته سال جي شروعات ۾ بجلي وڌيڪ استعمال ٿيندي هئي ۽ بل گهٽ ايندو هو پر هاڻي بجلي گهٽ استعمال ڪرڻ باوجود بل 1 لک 70 لک اچي ويو آهي.
واضح رهي ته مشهور ماڊل ۽ خوبصورتي جي ماهر ناديه حسين اڪثر ڪري سوشل ميڊيا تي پنهنجي لائيو وڊيوز ۽ پوسٽن تي تنقيد ڪندڙن کي کُليل جواب ڏيندي نظر ايندي آهي.
