جلدبازي يا غلطي، ڀارتي ڪپتان روهت شرما ايشيا ڪپ کٽڻ کانپوءِ سريلنڪا کان واپس ڀارت وڃڻ لاءِ هوٽل ۾ پنهنجو پاسپورٽ وساري ويٺو.
ڀارتي ميڊيا موجب گذريل آچر تي ايشيا ڪپ جي فائنل ميچ ۾ ڀارت هڪ طرفي مقابلي کانپوءِ سريلنڪا کي شڪست ڏني هئي.
ڀارتي ميڊيا موجب ميچ کانپوءِ ڀارتي ڪرڪيٽ ٽيم جي ڪپتان سان هڪ عجيب ۽ دلچسپ واقعو پيش آيو، جڏهن ڀارتي ٽيم ايئرپورٽ وڃڻ لاءِ بس ۾ سوار ٿي ته معلوم ٿيو ته ڪپتان روهت شرما پنهنجو پاسپورٽ هوٽل ۾ ئي وساري چڪو هو..
ڀارتي ميڊيا موجب ان دوران بس ۾ سوار روهت شرما ۽ رانديگرن کي ڪولمبو ۾ هوٽل جي ٻاهر ڪجهه دير انتظار ڪرڻو پيو، جنهن بعد امدادي عملو روهت شرما وٽ پاسپورٽ کڻي آيو.
