ايشين گيمز 2023ع ۾ سريلنڪن وومين ٽيم سيمي فائنل ۾ پاڪستاني ٽيم کي شڪست ڏئي فائنل ۾ پهچي وئي.
سريلنڪا وومين ٽيم پاڪستان کي سيمي فائنل ۾ 6 وڪيٽن تان شڪست ڏئي ڇڏي، پاڪستان وومينز جو 76 رنسن جو هدف سريلنڪا 17 هين اوور ۾ حاصل ڪري ورتو.
ايشين گيمز وومينز ڪرڪيٽ جي فائنل ۾ سريلنڪا جو مقابلو ڀارتي وومين ٽيم سان ٿيندو.
ٽينس وومينز سنگلز ۾ به پاڪستاني رانديگرن شاندار شروعات ڪئي، اشنا سهيل پهرين رائونڊ ۾ تاجڪستان جي ساميا تاکتيوا کي سڌي سيٽن ۾ شڪست ڏني.
ٻئي طرف ساره ابراهيم قطر جي هند المدخا کي ٽن سيٽن ۾ شڪست ڏني، جڏهن ته مردن جي سنگلز ۾ پاڪستان جي عقيل خان کي پهرين ئي رائونڊ ۾ شڪست ڏني وئي.
