ڪرغزستان ۾ پاڪستاني شاگردن تي حملو ڇو ۽ ڪنهن ڪيو؟ وفاقي سرڪار معاملي جي جاچ لاءِ فيڪٽ فائينڊنگ ڪميٽي جوڙي ڇڏي آهي
نائب وزيراعظم ۽ پرڏيهي وزير اسحاق ڊار اسلام آباد ۾ پريس ڪانفرنس ڪندي چيو ته جاچ ڪميٽي ٻن هفتن ۾ انڪوائري مڪمل ڪري پنهنجي رپورٽ پيش ڪندي
اسحاق ڊار چيو ته وزيراعظم اها انڪوائري ڪميٽي منهنجي سربراهي ۾ جوڙي آهي، ڪرغز هم منصب ملاقات دوران ٻڌايو ته واقعي کان ڪجهه ڏينهن اڳ مقامي ماڻهن ۽ هاسٽل جي پرڏيهي شاگردن ۾ جهيڙو ٿيو هو
ڪرغز نائب وزيراعظم ٻڌايو ته اسان جي صدر چيو آهي ته آئنده اهڙا واقعا برداشت نه ڪيا ويندا، ڪرغز نائب وزيراعظم پاڪستاني شاگردن جي تحفظ ۽ حالتون نارمل ٿيڻ جي خاطري ڪرائي آهي
