سجاول:(رپوٽ:عتيق الرحمان کتري)سجاول پريس ڪلب ۾ سنڌ ڌرتي سان محبت ۽ ثقافتي ڏهاڙي 6 ڊسمبر کي ملهائڻ جي سلسلي ۾ سجاول پريس ڪلب ۾ پ ٽ الف سجاول جي ميزباني ھيٺ سگهڙ ڪچهري ۽ صوفياڻي راڳ جي محفل ٿي.ثقافتي تقريب جي پروگرام ۾ سنڌ سگهڙ لوڪ ادب تنظيم جي سگهڙن بيتن ذريعي سنڌ امڙ کي ڀيٽا پيش ڪئي راڳين سنڌڙي تي سر ڪير نہ ڏيندو ٖ سنڌ منهنجي امان ۽ ٻيا قومي گيت ڳائي تقريب ۾ ويٺل ماڻهن کي جهومائي ڇڏيو تقريب ۾ صحافتي سياسي ۽ سماجي ڌرين شرڪت ڪئي جنھن ۾ پ ٽ الف جي تعلقي اڳواڻ موسي لغاري،عمر ميمڻ،لطف الله،سرويچ اڪيڊمي جي چئرمين سورج سجاولي،ھنڌو پنچائت جي ماڌوداس،نجيب سرويچ،سميت ٻين شرڪت ڪئي جڏهن ته مهمانن کي تحفي ۾ اجرڪ اوڍايا ويا محفل ۾ شرڪت ڪندڙ ٻڌايو ته 6ڊسمبر ايڪتا جو ڏينهن آھي جنهن کي سموري سنڌ عيد جي ڏهاڙي طور ملهائيندو.
