انٽرنيشنل وومين ڊي تي گلوڪار علي ظفر جيلن ۾ قيد بي گناهه ۽ غريب عورتن جي مدد جو اعلان ڪري ڇڏيو.
سماجي رابطي جي ويب سائيٽ ٽوئيٽر تي علي ظفر اڄ عورتن جي عالمي ڏينهن جي موقعي تي جيلن ۾ قيد بي گناهه ۽ غريب عورتن جي مدد جو اعلان ڪيو آهي.
گلوڪار چيو ته قانوني نمائندگي نه هجڻ ڪري ڪيتريون ئي عورتون سالن کان جيلن ۾ قيد آهن، اڄ عورتن جي ڏينهن تي وچن ٿو ڪريان ته پنهنجي عاجزاڻي صلاحيتن آڌار هنن کي انصاف ڏيارڻ لاءِ ڀرپور ڪوشش ڪندس.
علي ظفر ٻين کي به ان نيڪ ڪم ۾ شرڪت جي دعوت ڏيندي چيو آهي ته اسان گڏجي گهڻو ڪجهه ڪري سگهون ٿا.
