اسلام آباد: صدر مملڪت عارف حسين علوي چيف جسٽس جي اختيارن بابت بل هڪ ڀيرو وري منظوري بنا واپس موڪلي ڇڏيو.
صدر عارف علوي چيو آهي ته قانونسازي جي اهليت ۽ بل جي درستگي جو معاملو ملڪ جي اعليٰ عدالتي فورم سامهون ٻڌڻيءَ هيٺ آهي.
بل جي جواب ۾ صدر وڌيڪ چيو ته هي معاملو عدالت ۾ ٻڌڻي هيٺ هجڻ ڪري احترام ۾ بل تي وڌيڪ ڪا ڪارروائي مناسب نه آهي.
بل جي منظوري وفاقي ڪابينا 28 مارچ تي ڏني هئي ۽ پوءِ قومي اسيمبلي ۽ سينيٽ مان منظور ڪرايو ويو هو.
