ويتنام جي ڊاڪ لڪ صوبي جي سي يو ڪوئن ضلعي ۾ 2 پوليس اسٽيشنن تي حملن ۾ ڪيترائي ماڻهو مارجي ويا ۽ زخمي ٿي پيا.
عالمي ميڊيا رپورٽن موجب ٻن پوليس اسٽيشنن تي حملا اڄ صبح ٿيا، ويٽنامي اختيارين موجب مارجي ويلن ۽ زخمين ۾ پوليس آفيسر، مقامي اهلڪار ۽ شهري شامل آهن.
ويٽنامي اختيارين جو چوڻ آهي ته ڊاڪ لڪ صوبي جي سي يو ڪوئن ضلعي ۾ پوليس اسٽيشنن تي فائرنگ ۾ ملوث 6 حملي آورن کي گرفتار ڪيو ويو آهي ۽ حملي ۾ ملوث وڌيڪ ماڻهن جي ڳولا جاري آهي.
ياد رهي ته ويٽنام ۾ جتي 2 پوليس اسٽيشنن تي حملا ڪيا ويا، اهو علائقو ڪيترن ئي اقليتن جو گهر آهي ۽ ويٽنام جي آمرانه حڪومت لاءِ حساس علائقو سمجهيو ويندو آهي.
