پاڪستان تحريڪ انصاف سنڌ جي صدر حليم عادل شيخ ميئر ڪراچي جي چونڊ لاءِ هدايتون جاري ڪري ڇڏيون آهن.
چيئرمين ۽ ڪائونسلرن کي لکيل خط ۾ تحريڪ انصاف جي صوبائي صدر حافظ نعيم الرحمان کي ووٽ ڏيڻ جي هدايت ڪئي وئي آهي.
خط ۾ وڌيڪ چيو ويو آهي ته پارٽي پاليسي موجب ووٽ نه ڏيڻ جي صورت ۾ چيئرمين خلاف ڪارروائي ڪئي ويندي ۽ کين ڊي سيٽ ڪيو ويندو.
واضح رهي ته ڪراچي جي ميئر ۽ ڊپٽي ميئر جي چونڊ 15 جون تي ٿيندي.
ڪراچي جي ميئر شپ لاءِ جماعت اسلامي جو حافظ نعيم الرحمان اميدوار آهي، جنهن جا نامزدگي ڪاغذ ڇنڊڇاڻ بعد منظور ڪيا ويا.
