سنڌ جي صوبائي وزير سعيد غني پيپلز پارٽي کي ڪراچي جي ميئر شپ ملڻ تي خوشي جو اظهار ڪيو آهي.
سنڌ اسيمبلي ۾ ڳالهائيندي سعيد غني چيو ته مان الله جو شڪر گذار آهيان ته مون پنهنجي زندگي ۾ پيپلز پارٽي ڪراچي جو ميئر ڏٺو، ڪراچي جي شهرين جو شڪر گذار آهيان جو پهريون ڀيرو واضح انداز ۾ مينڊيٽ ڏنو.
سعيد غني چيو ته هو ڪراچي جا مسئلا حل ڪرڻ لاءِ پي ٽي آءِ ۽ جماعت اسلامي سميت سڀني وٽ ويندا، مهرباني ڪري نتيجا قبول ڪريو.
صوبائي وزير چيو ته فريال ٽالپر کان وڏو پوليٽيڪل مئنيجر ناهي ڏٺو، بلاول ڀٽو هدايت ڪئي آهي ته ڪراچي مان جنهن به سيٽ حاصل ڪئي، ان کي به ملايو وڃي.
