بچاءَ واري وزير خواجا آصف چيو آهي ته آمريڪا اسان کي اهڙي صورتحال ۾ نه ڌڪي جنهن ۾ اسان کي مشڪل فيصلا ڪرڻا پون.
هڪ آمريڪي جرنل کي انٽرويو ڏيندي هن چيو ته آمريڪا سان لاڳاپن کي قدر جي نگاهه سان ڏسندا آهيون ۽ چاهيون ٿا ته اهي لاڳاپا اڳتي وڌن.
هن چيو ته اسان کي آمريڪا-ڀارت پارٽنرشپ سان ڪو به مسئلو ناهي جنهن سان پاڪستان جي مفادن کي نقصان نه پهچي.
خواجا آصف چيو ته ڀارت جي موجوده صورتحال پاڪستان ۽ ڀارت وچ ۾ صورتحال خراب ڪري ڇڏي آهي.
هن چيو ته نريندر مودي جي دور حڪومت ۾ ڀارت جو سيڪيولر نظريو هندو قومپرست نظريي کان تبديل ٿي چڪو آهي، ڀارت پنهنجي ملڪ اندر انتهائي قومپرست موقف اختيار ڪيو آهي.
