پاڪستان ڪرڪيٽ ٽيم جي فاسٽ بالر نسيم شاهه ٽيسٽ ڪرڪيٽ کي چيلينج قرار ڏيندي چيو آهي ته هي فارميٽ هڪ مختلف قسم جو چيلنج آهي جنهن ۾ هر شيءِ کي آزمايو ويندو آهي.
لاهور ۾ ڳالهه ٻولهه ڪندي نسيم شاهه چيو ته مان انگلينڊ مان واپس آيو آهيان، ان ڪري ڪوشش ڪري رهيو آهيان ته جلدي گرم موسم جي عادت پوي.
هن چيو ته پاڪستان ۽ سريلنڪا جو موسم هڪ جهڙو هوندو، ان ڪري گهڻو فرق نه پوندو، هن انگلينڊ ۾ وائيٽ بال جي ڪرڪيٽ کيڏي، اتي سخت سردي هئي، ان ڪري واپس ايندي ئي ريڊ بال سان ٽريننگ شروع ڪئي.
نسيم شاهه چيو ته اسان کي سريلنڪا ۾ 2 ٽيسٽ ميچون کيڏڻيون آهن ۽ ان لاءِ اسان ڀرپور تياري ڪري رهيا آهيون، سريلنڪا جي سخت گرمي ۾ ٽيسٽ ميچ کيڏڻ هڪ چيلنج آهي ۽ هڪ پروفيشنل ڪرڪيٽر هجڻ جي ناطي ان چيلنج کي قبول ڪنداسين ۽ ان لاءِ. اسان پاڻ کي تيار ڪري رهيا آهيون.
