اڳوڻو وزيراعظم نواز شريف دبئي کان سعودي عرب پهچي ويو، ن ليگ جي سينيئر نائب صدر۽ پارٽي آرگنائيزر مريم نواز به ساڻس گڏ آهي، ذريعن موجب شريف خاندان ٻه هفتا سعودي عرب ۾ ترسندو، نواز شريف ۽ مريم نواز ڪجهه ڏينهن ۾ عمرو به ادا ڪندا
سعودي عرب ۾ نواز شريف شاهي خاندان سميت اهم شخصيتن سان ملاقات ڪندو، پرڏيهي سيڙپڪارن جا ڪيترائي وفد به نواز شريف سان ملاقات ڪندا
ذريعن موجب ن ليگ سربراهه نواز شريف جي وطن واپسيءَ جي تاريخ جو فيصلو سعودي عرب ۾ ٿيندو ۽ نواز شريف جي وطن واپسي تي شاندار استقبال ڪيو ويندو
ن ليگ اڳواڻ شاهد خاقن عباسي به تصديق ڪئي آهي ته نواز شريف اليڪشن کان اڳ وطن واپس اچي ويندو، ملڪي معيشت جي بهتري لاءِ سعودي عرب ۽ امارات سان سيڙپڪاري ٿيڻ جو امڪان آهي، ذريعن موجب سعودي عرب ۾ نواز شريف پنهنجي فيملي ميمبرز سان گڏ سرور پيلس ۾ ترسندو.
