پاڪستان ڪرڪيٽ بورڊ (پي سي سي) قومي وومين ڪرڪيٽرن جي سينٽرل ڪانٽريڪٽ جو اعلان ڪري ڇڏيو آهي.
20 وومين ڪرڪيٽرن کي 23 مهينن لاءِ سينٽرل ڪانٽريڪٽ انڪريمينٽ ڏنو ويو آهي. سمورين وومين ڪرڪيٽرن سينٽرل ڪانٽريڪٽ تي صحيحون ڪيون آهن.
ندا ڊار، بسمه معروف ۽ سدرا امين کي 19 سيڪڙو واڌ سان ڪيٽيگري اي ۾ شامل ڪيو ويو آهي.
عاليه رياض، فاطمه ثناءُ، منيبا علي ۽ نشرا سنڌو کي بي ڪيٽيگري ۾، ڊيانا بيگ، غلام فاطمه، عمائمه سهيل، سعديه اقبال ۽ سدرا نواز کي سي ڪيٽيگري ۾ جڏهن ته انوش ناصر، ايمان کي ڊي ڪيٽيگري ۾ رکيو ويو آهي. فاطمه، ناجيه علوي، صدف شمس، شوال ذوالفقار، عروب شاهه، طوبيٰ حسن ۽ ام هاني شامل آهن.
