ٺٽو:(رپورٽر) گهارو ڀرسان ڪي ڊي اي ڪئنال مان هٿ آيل عورت ۽ مرد جي لاشن جي سڃاڻپ ٿي ويئي آهي. گهارو پوليس موجب هٿ آيل مرد جي لاش جي سڃاڻپ سهيل کوکر جڏهن ته عورت جي شبنم راجپوت طور تي سڃاڻپ ٿي آهي جيڪي منظور ڪالوني ڪراچي جا رهواسي آهن.
پوليس موجب مرد ۽ عورت هڪ ئي عمارت ۾ رهندا هئا جيڪي پاڻ ۾ ويجها دوست هئا ۽ ٺٽو گهمڻ لاءِ آيل هئا. واقعي جو وارثن کي اطلاع ڏنو ويو جيڪي گهاري طرف روانا ٿي چڪا آهن.
ياد رهي ته مقامي ماڻهن ڪينال ۾ لاش ڏسي گهارو پوليس کي اطلاع ڏنو هو پوليس لاش ڪئنال مان ڪڍرائي رورل هيلٿ سينٽر گهارو منتقل ڪيا هئا جنهن کان پوءِ جاچ دوران سندن سڃاڻپ ڪئي وئي.
