اسلام آباد: (خميس: 13 جون 2024ع) وفاقي جاچ ايجنسي(ايف آءِ اي) سائفر ڪيس ۾ اڳوڻي وزيراعظم عمران خان ۽ شاهه محمود قريشي جي بريت سپريم ڪورٽ ۾ چيلينج ڪري ڇڏي.
ايف آءِ اي اسلام آباد هاءِ ڪورٽ جي فيصلي خلاف سپريم ڪورٽ ۾ اپيل داخل ڪري ڇڏي آهي. درخواست ۾ چيو ويو آهي ته پراسيڪيوشن ثبوت ۽ فارنزڪ ٿيل دستاويزات ٽرائل دوران ڏنا. هاءِ ڪورٽ جو فيصلو اهو ظاهر نٿو ڪري ته ڪهڙن بنيادن تي جوابدارن کي بري ڪيو ويو.
ياد رهي ته چيف جسٽس عامر فاروق ۽ جسٽس ميان گل حسن اورنگزيب تي ٻڌل 2 رڪني بينچ عمران خان ۽ شاهه محمود قريشي جي سائفر ڪيس ۾ سزا ڪالعدم قرار ڏيندي انهن کي بري ڪري ڇڏيو.
ان کان اڳ سائفر ڪيس جي خصوصي عدالت ڪيس ۾ پي ٽي آءِ باني عمران خان ۽ شاهه محمود قريشي کي 10-10 سال قيد جي سزا ٻڌائي هئي.
