اسلام آباد: ملڪ اندر ڪورونا وائرس جي ٻي لهر تباهي مچائڻ لڳي، وبا هڪ ڏينهن ۾ 54 حياتيون ڳرڪائي ڇڏيون. نيشن ڪمانڊ اينڊ آپريشن سينٽر(اين سي او سي) پاران جاري ڪيل انگ اکرن موجب گذريل 24 ڪلاڪن دوران 3 هزار 113 ماڻهو ڪورونا وائرس جو شڪار ٿيا جنهن کانپوءِ ملڪ ۾ ڪيسن جو انگ 3 لک 89 311 ٿي ويو، ڪورونا وائرس جي ٻي لهر دوران صرف هڪ ڏينهن ۾ وڌيڪ 54 فوتگيون سامهون آيون جنهن کانپوءِ مجموعي انگ 7 هزار 897 تائين پهچي ويو آهي. اين سي او سي موجب پنجاب ۾ ڪورونا مريضن جو انگ 1 لک 17 هزار 160، سنڌ ۾ 1 لک 68 هزار 783، خيبر پختونواهه ۾ 46 هزار 281، بلوچستان ۾ 17 هزار 8 جڏهن ته اسلام آباد ۾ 28 هزار 980 تائين پهچي ويو آهي.
