سجاول:(رپوٽ:عتيق الرحمان کتري) اسان پاڪستان پپلزپارٽي جا جيلا آھيون پر اسان جي ڪنھن سار نه لڌي آھي.سجاول جي وارڊ نمبر 11 جو رھواسي آچار ملاح ۽ سندس گھرواري صحافين اڳيان پنھنجا ڏک ونڍيندي چيو ته اسان پ پ جا جيالا آھيون سڄي زندگي پ پ کي ووٽ ڏنو آھي پر اسان جي ڪنھن به نه ٻڌي آھي.گذڙيل برسات سبب اسان جا گھر ڊھي پٽ ٿي ويا آھن.جنھن ڪري اسان ھن سياري جي موسم ۾ کلي آسمان ۾ پنھنجي زندگي گذاري رھيا آھيون.اسانجو ھڪ 14 سالن جو پٽ آھي جيڪو دماغي توازن صحيح نه ھجڻ ڪري گھر ۾ آھي.اسان جو ڪير ڪمائڻ وارو نه آھي.منھنجي گھر واري گھرن ۾ ڪم ڪري اسان جي گھرن جو سامان وٺي ايندي جنھن ڪري ھڪ ويلو کائيندا آھيون.برسات متاثرن لاء ايندڙ امداد به اسان کي نه ڏني وئي ھئي.ھنن چيو ته پ پ چئرمين بلاول ڀٽو زرداري،ڊپٽي اسپيڪر سنڌ اسيمبلي ريحانه لغاري،ايم اين اي اياز شاه شيرازي سميت چونڊيل نمائندن ۽ پ پ قيادت کان مطالبو ڪيو آھي ته اسان جي مدد ڪئي وڃي.
