اسلام آباد : صدر عارف علوي اڳوڻي وزيراعظم مير ظفر الله جمالي جي لاڏاڻي جي خبر تي معذرت ڪندي چيو آهي ته مان اهڙو ٽوئيٽ هٽائي ڇڏيو آهي، مير ظفر الله جمالي حيات آهي.صدر عارف علوي تازو ٽوئيٽ ڪندي ٻڌايو ته مان اهو ٽوئيٽ ڊليٽ ڪري ڇڏيو آهي، غلط ڄاڻ تي خاندان سان معذرت ڪيان ٿو.هن ٻڌايو ته مير ظفر الله جمالي وينٽي ليٽر تي آهي، منهنجي عمر جمالي سان ڳالهه ٻولهه ٿي آهي، جنهن اهڙي تصديق ڪئي، الله پاڪ مير ظفر الله جمالي کي وڏي ڄمار عطا فرمائي.
