نوشهروفيروز ( ڊ ر) ايڊيشنل ڊپٽي ڪمشنر سيد عمار حسين اڄ ڪورونا وائرس کان بچاءَ بابت سنڌ حڪومت پاران جاري ڪيل ايس او پيز تي عمل ڪرائڻ لاءِ نوشهروفيروز جي مختلف دڪانن، هوٽلن، مٺائي جي دڪانن، سينيٽري ۽ آئرن اسٽورن تي ڇاپا هنيا. ايڊيشنل ڊپٽي ڪمشنر الله واري چوڪ تي ايندڙ ويندڙ پبلڪ ٽرانسپورٽرن کي به ايس او پيز تي عمل ڪرڻ جو هدايتون ڏنيون ۽ خلاف ورزي ڪندڙن تي جرمانو ڪيو. جڏهن ته الڪوثر چوڪ تي مٺائي جي دڪان ، ديوان بيڪرز، جلباڻي موبائل مارڪيٽ، مين روڊ تي محمد آئرن اسٽور، سينيٽري اسٽورن ۽ ٻين دڪانن تي خلاف ورزي ڪندڙن خلاف جرمانا ڪيا ۽ دڪان سيل ڪرڻ جو حڪم ڏنو . ان موقعي تي ايڊيشنل ڊپٽي ڪمشنر شهرين ۽ دڪاندارن کي هدايت ڪئي ته هو لازمي ماسڪ استعمال ڪن. ۽ غير ضروري بازارن ۾ نه اچن ۽ پنهنجي هٿن کي صاف رکن. ان موقعي تي مجموعي طور 14 هزار 500 روپين جو جرمانو ڪيو ويو.
