ڪراچي : صبا سينيما جي ڀرسان فيڪٽري اندر ڌماڪي جي نتيج ۾ؤ ۽ 10 زخمي ٿي پيا. ڪراچي جي علائقي نيو ڪراچي ۾ صبا سينيما جي ڀرسان فيڪٽري ۾ ڌماڪي جي نتيجي ۾ هڪ ڄڻو فوت ٿي ويو ۽ 10 زخمي ٿي پيا، واقعي کان پوءِ امدادي ڪارڪنن جو وڏو انگ فيڪٽري کان ٻاهر پهچي ويو ۽ زخمين کي اسپتال منتقل ڪيو. ريسڪيو اختيارين جو چوڻ آهي ته ڌماڪي جي ڪري فيڪٽري جي ڇت به ڪِري پئي جنهن جي ڪري ڪيترن ئي ماڻهن جي ملبي هيٺان دٻيل هجڻ جو خدشو آهي.فيڪٽري ۾ ڌماڪي کان پوءِ پوليس ۽ رينجرز علائقي کي ڪڙو چاڙهي جاچ شروع ڪري ڇڏي آهي، پوليس اختيارين جو چوڻ آهي ته ڌماڪي جي نوعيت جو جائزو ورتو پيو وڃي پر شروعاتي جاچ موجب فيڪٽري ۾ ڌماڪو بوائلر ڦاٽڻ سبب ٿيو پر ڌماڪي بابت وڌيڪ جاچ جاري آهي.
