ڪشمور(رپورٽ اعجاز احمد چنہ ) ڪشمور پاڻي جي واري تان دشتي برادري جي ٻن ڌرين ۾ جهيڙو۔ گوليون لڳڻ ڪري ٽي ڄڻا زخمي۔ زخمين کي ڳڻتي جوڳي حالت ۾ لاڙڪاڻي منتقل ڪيو ويو۔ تفصيل موجب۔ ڪشمور ٿاڻي جي حد ڊکڻ بنگلو لڳ پاڻي جي واري تان دشتي برادري جي ٻن ڌرين ۾ جهيڙو ٿي پيو۔ گوليون لڳڻ ڪري ٽي ڄڻا سخت زخمي ٿي پيا جڏهن ته فائرنگ ۾ هڪ ڀلوڙ مينهن به زخمي ٿي پي۔ ان سلسلي ۾ زخمي نوجوانن جي وارثن جو چوڻ آهي ته اڄ صبح جو اسان جو همراه شاه گل پلال کڻڻ لاء ٽريڪٽر ڪاهي روانو ٿيو ته هارف(عارف) ڪليشن ڪوف سان مٿن فائرنگ ڪئي۔ اسان فائرنگ جي آواز تي ٻاهر نڪتاسين ته جوابدار اسان مٿان به سڌيون کوليون هلايون جنهن ڪري اسان جا ٽي مڙس شاه گل رضا محمد ۽ شاهمير دشتي سخت زخمي ٿي پيا جن کي ڳڻتي جوڳي حالت ۾ لاڙڪاڻي جي چانڊڪا اسپتال منتقل ڪيو ويو آھي۔ سندن وڌيڪ چوڻ هو ته جوابدار اڳ به ٽن ڪيسن ۾ گهربل آھي ان ڪري ايس ايس پي ڪشمور کي اپيل ڪيون ٿا ته هن ڏوهاري کان اسان کي بچايو وڃي ۽ کين جلد کان جلد گرفتار ڪري قانون جي بالادستي قائم ڪئي وڃي۔
