ڪراچي ڪنگز پي ايس ايل جي اهم ميچ ۾ ڪوئيٽا گليڊيئيٽرز کي شڪست ڏئي پلي آف مرحلي لاءِ ڪواليفاءِ ڪري ورتو، جڏهن ته لاهور قلندرز ۽ ڪوئيٽا گليڊيئيٽرز جون ٽيمون ٽائيٽل جي ڊوڙ کان ٻاهر ٿي ويون.
ابو ظهبي ۾ ٽاس کٽڻ کانپوءِ پهريان بيٽنگ ڪندي ڪراچي ڪنگز مقرر اوورن ۾ 6 وڪيٽن جي نقصان تي 176 رنسون ٺاهيون.
شرجيل خان 45، بابر اعظم 23، چيڊوڪ ويلٽن 34، دانش عزيز 45 رنسن جي اننگز کيڏي.
ڪوئيٽا طرفان عارش خان بهترين بالنگ ڪرائيندي 4 وڪيٽون ورتيون.
جواب ۾ ڪوئيٽا جي ٽيم مقرر اوورن ۾ 6 وڪيٽن جي نقصان تي 162 رنسون ٺاهي سگهي.
